chalte chalte bheed me aaj
jab nazar ne dekha bheed ka haal
to man ko chuke gaya ek sawal
is bheed me hai kai insaan
hai kisi ko nayi rah ka pata
to hai koi kisi rah me gum
hai koi khushiya me rama
to hai koi duvidhaun se ghira
kisi ko age jane ki hai abhilasha
to koi hai purane mode me khada
per har koi hai apni apni main me bandha
is har me jab khud ko dhunda
to apna astitve bhi fika sa laga
sawal tha mera khud ke liye
is bheed me apni pahchan ke liye
main ya to kisi ka aaj hun
ya to kisi ka atit
ya jee rahi hun kisi ka bhavishya
sawal ye hai ki kya hun main is bheed se alag
ya mujhame hai is bheed ka chehara chupa
main kisi ke path pe hun
to koi mere path pe hai
agar dhyan se dekho to
path bhi ek hai aur manjil bhi ek
to kyon hai alag is bheed ka har insaan
